पटना, 24 अक्टोबर (हि.स.)। उत्तर प्रदेशका उप मुख्यमन्त्री केशव प्रसाद मौर्यले शुक्रवार बिहानको 94-कुढ़नी विधानसभा क्षेत्रमा भारतीय जनता पार्टी (भाजपा) का उम्मेदवार केदार प्रसाद गुप्ता एवं 118-छपरा विधानसभा क्षेत्रमा भाजपा प्रत्याशी छोटी कुमारीको समर्थनमा जनसभालाई सम्बोधित गरे। आफ्नो सम्बोधनमा उपमुख्यमन्त्री मौर्यले भाजपा प्रत्याशीहरूको पक्षमा जनताबाट भारी समर्थन र आशीर्वादको अपील गरे।
केशव प्रसाद मौर्यले भने, बिहारमा विकास, सुशासन र जनकल्याणको निम्ति भाजपा प्रत्याशीहरूको जित आवश्यक छ। कांग्रेस नेता राहुल गान्धी र राष्ट्रिय जनता दल (राजद) का नेता तेजस्वी यादवमाथि तीखो प्रहार गर्दै उनले भने, यी दुवै पार्टीहरूले बिहारलाई केवल भ्रष्टाचार, परिवारवाद र अपराधको राजनीति दिएका छन्।
उनले जनतासित आह्वान गरे, बिहारको उज्जवल भविष्यको निम्ति भाजपा र राष्ट्रिय जनतान्त्रिक गठबन्धन (राजग) उम्मेदवारहरूलाई विजयी बनाऔं। जनसभामा भारी जनताको भीड़ र उत्साहबीच उप मुख्यमन्त्री मौर्यले भने, प्रधानमन्त्री नरेन्द्र मोदी र मुख्यमन्त्री नीतीश कुमारको नेतृत्वमा बिहारमा विकासको गति अझ् तीव्र हुनेछ।
हिन्दुस्थान समाचार / भवानी थामी
