नयाँ दिल्ली, 26 अक्टोबर (हि.स.)। प्रधानमन्त्री नरेन्द्र मोदीले थाईल्याण्डकी राजमाता महारी सिरीकितको निधनमा शोक व्यक्त गरेका छऩ्। आफ्नो शोक सन्देशमा उनले थाईल्याण्डको जनताको साथ समवेदना प्रकट गरेका छन्।
सोशल मीडिया प्लेटफार्म एक्समा प्रधानमन्त्रीले भऩे, थाईल्याण्डकी राजमाता महारानी सिरीकितको निधनले मलाई गहिरो दुःख लागेको छ। जनसेवाप्रति उनको आजीवन समर्पणले पीढ़ीहरूलाई प्रेरित गरिरहनेछ। यस गहन शोकको क्षणमा नरेश, शाही परिवारका सदस्यहरू र थाईल्याण्डको जनताप्रति मेरो हार्दिक समवेदना।
उल्लेख्य, सिरीकित 28 अप्रेल 1950 देखि 13 अक्टोबर 2016 सम्म थाईल्याण्डको महारानी थिइन्। उनी राजा भूमिबल अतुल्यतेजकी पत्नी थिइन्। अतुल्यतेजले 70 वर्ष (1946-2016) सम्म शासन गरे। भूमिबलको मृत्युपछि सिरीकित आफ्नो छोरा राजा वजीरालोंगकोर्नको शासनकालमा राजमाताको रूपमा चिनिन थालिन्। उनको जीवन शिष्टता, सांस्कृतिक वकालत र थाई समाजमा महत्वपूर्ण योगदानलाई चिन्हित गर्दछ।
हिन्दुस्थान समाचार / भवानी थामी
