खरसाङ, 26 अक्टोबर (हि.स.)। वर्तमानमा राष्ट्रिय राजमार्ग 110 (पहिले 55) भएर गाडीहरु कुद्न थालेपछि 'वी लभ तीनधारे' क्षेत्रमा गाडीहरु र मानिसहरू भीड देखिन थालेको छ।
तीनधारेको गोलाई पाखास्थित 'वी लभ तीनधारे' बोर्ड लेखेको क्षेत्र पहिलेबाटै स्थानीयहरु र पर्यटकहरुका लागि प्रसिद्ध बनेको थियो। तर, गत 4 अक्टोबर राति पैह्रोले रोहिणी रोड वाधित बनेपछि सबै गाडीहरु राष्ट्रिय राजमार्ग 110 अन्तर्गत महानदी, घैयाबारी र तीनधारे क्षेत्र भएर कुद्न थालेपछि यहाँ गाडीहरु र मानिसहरूको निक्कै भीड देखिन थालेको छ। यहाँ अहिले सिलगढी क्षेत्रबाट आउने स्थानीय पर्यटकहरु र दार्जिलिङ घुमेर फर्कनेहरु साथै तीनधारेसम्म घुम्न आउनेहरुको तॉंती लागेको छ।
'वी लभ तीनधारे' मा फोटो खिच्नेहरु साथै तीनधारेको दृश्य र तीनधारेबाट देखिने वरपरका डाँडाहरु क्यामेरामा कैद गर्नेहरुको भीड बढ्न थालेको छ। यस क्षेत्रमा गाडीहरु रोकेर चिया पिउनेहरू र खाजा खानेहरुको पनि निकै भीड देखिन थालेको छ। यस क्षेत्रका दोकानपाटहरु पनि निकै राम्रो चल्न थालेको छ।
हिन्दुस्थान समाचार / हनोक
