खरसाङ, 22 नोभेम्बर (हि.स.)।महानदी ग्राम पञ्चायत क्षेत्रमा कार्यरत् भीबीडीसीका टोलीले वेतन वृद्धिको मागमा महानदी ग्राम पञ्चायतको प्रधानलाई ज्ञापन पत्र बुझाएको छ। यस क्रममा महानदी ग्राम पञ्चायत अन्तर्गत सबै संसदहरुमा कार्यरत् भीबीडीसीका भीएसटी, भीसीटी र सुपर भाईजर सबैले एकजुट भएर महानदी ग्राम पञ्चायतको पञ्चायत प्रधान पासाङ शेर्पालाई ज्ञापन पत्र बुझाएका छन्।
यस विषयमा महानदी ग्राम पञ्चायतको भीसीटी लक्की प्रधानले बताए अनुसार, महानदी ग्राम पञ्चायतमा 8 जना भीएसटी र 6 जना भीसीटी र एकजना सुपर भाईजर गरेर जम्मा 15 जना छन् र सबैको वेतन वृद्धिको मागमा ज्ञापन पत्र बुझाएको छ।
यसका साथै, महानदी ग्राम पञ्चायत र महानदी संघको आयोजनामा लुगाबाट बनाइएका झोलाहरु वितरण गरिएको छ। उक्त लुगाका झोलाहरु वितरण गरिनुको मुख्य उद्देश्य महानदी क्षेत्रलाई प्लाष्टिकमुक्त र स्वच्छ बनाउनु रहेको छ। उक्त लुगाका झोलाहरु महानदी क्षेत्रमा कुद्ने गाडीहरुलाई पनि वितरण गरिएको छ।
---------------
हिन्दुस्थान समाचार / हनोक
