गुवाहाटी, 18 फरवरी (हि.स.)। भारतीय स्टेट ब्याङ्क, गुवाहाटीले मंगलवार आफ्नो कर्पोरेट सामाजिक उत्तरदायित्व (सीएसआर) गतिविधि अन्तर्गत 135 युद्ध वीर र वीर महिलाहरूलाई आर्थिक सहयोग प्रदान गरेको छ। यो कार्यक्रम असमको सैनिक कल्याण निर्देशनालयको सहकार्यमा गुवाहाटीको लचित नगरस्थित 'सैनिक भवन' मा आयोजना गरिएको थियो।

यस अवसरमा भारतीय स्टेट ब्याङ्कका महाप्रबन्धक अमरेश कुमार झा, ब्याङ्कका वरिष्ठ अधिकारीहरू, सेनाको 51 सब एरिया मुख्यालयका अधिकारीहरू र असम सैनिक कल्याण निर्देशनालयका निर्देशक, अधिकारीहरू र कर्मचारीहरू उपस्थित थिए।

अमरेश कुमार झाले असमको सैनिक कल्याण निर्देशनालयका निर्देशक, ब्रिगेडियर पलाश चौधरीलाई 69.75 लाख रूपियॉंको प्रतीकात्मक चेक प्रदान गरे। यो रकम भारतीय स्टेट ब्याङ्कले छनोट गरेका 135 लाभार्थीहरूलाई वितरण गरिनेछ, जसमा प्रत्येक युद्ध वीर र वीर महिलाहरूको ब्याङ्क खातामा 50 हजार रूपियॉं जमा गरिनेछ।

कार्यक्रममा उपस्थित पूर्व सैनिकहरू र उनीहरूका परिवारहरूलाई स्टेट ब्याङ्क अफ इन्डियाको टोलीले उपहार पनि प्रदान गरेको थियो।

हिन्दुस्थान समाचार / बिशाल