नयॉं दिल्ली, 10 अप्रेल (हि.स.)। लस एञ्जल्समा हुने ओलम्पिक 2028 को निम्ति इन्टरनेशनल ओलम्पिक कमिटी (आईओसी) ले बुधवार टेबल टेनिसमा एउटा नयॉं मिक्स्ड टीम इभेन्टलाई सामेल गर्ने घोषणा गरेको छ। ग्रीष्मकालीन ओलम्पिक खेलहरूमा पहिलोपल्ट यो इभेन्ट आयोजित गरिने छ।

टेबल टेनिसमा अब कुल 6 इभेन्टयो नयॉं फसेलापछि ओलम्पिक टेबल टेनिस कार्यक्रममा अब पुरुष र महिला सिङ्गल्स, पुरुष र महिला डबल्सको पुनरागमन, मिक्स्ड डबल्स र नयॉं मिक्स्ड टीम इभेन्ट सामेल हुनेछन्। टेबल टेनिस प्रेमीहरूको निम्ति यो एक रोमाञ्चक अपडेट हो।

आईटीटीएफ अध्यक्षद्वारा खुशी प्रकटइन्टरनेशनल टेबल टेनिस फेडरेशन (आईटीटीएफ) का अध्यक्ष पेट्रा सर्लिङले बुधवार यस फसेलामा खुशी व्यक्त गर्दै भने, 'आईओसी कार्यकारी बोर्डको यो ऐतिहासिक निर्णयले टेबल टेनिसको बढ्दो लोकप्रियतालाई दर्साउॅंछ र यसको वैश्विक अपीलको प्रमाण हो।'

चेङ्गदूमा भएको थियो मिक्स्ड टीम इभेन्टको शुरुवातउल्लेख्य, मिक्स्ड टीम इभेन्टको शुरुवात दिसम्बर 2023 मा चीनको चेङ्गदूमा आईटीटीएफ मिक्स्ड टीम वर्ल्ड को समयमा गरिएको छ। यस टुर्नामेन्टमा प्रतियोगिताको शुरुवात मिक्स्ड डबल्सबाट हुने गर्थ्यो, यसपछि महिला र पुरुष सिङ्गल्स खेलिन्थ्यो। आवश्यकता हुॅंदा महिला र पुरुष डबल्स प्रतियोगिता पनि आयोजित गरिन्थ्यो, जसको क्रम श्रेणीकरण अनुसार तय गरिन्थ्यो।

टेबल टेनिस 1988 देखि ओलम्पिकको हिस्साटेबल टेनिस पहिलोपल्ट 1988 सियोल ओलम्पिकमा सामेल भएको थियो, जब पुरुष र महिला सिङ्गल्स र डबल्स खेलिएको थियो। 2008 बीजिङ ओलम्पिकबाट डबल्सको स्थान टीम इभेन्टले लियो र 2016 रियोसम्म यो फर्मेट चल्यो। टोक्यो 2020 मा मिक्स्ड डबल्सको शुरुवात भयो र अब 2028 मा मिक्स्ड टीम इभेन्ट ओलम्पिकमा एक नयॉं अध्याय जोड्नेछ।

हिन्दुस्थान समाचार / भवानी थामी