भोपाल, 12 अप्रेल (हि.स.)। प्रधानमन्त्री नरेन्द्र मोदीले मुख्यमन्त्री डा. मोहन यादवको पहलमा दिल्लीको ऐतिहासिक लाल किल्ला मैदानमा शनिवारदेखि हुने तीन दिवसीय 'सम्राट विक्रमादित्य महानाट्य' र यससित सम्बन्धित प्रदर्शनीहरूको आयोजनको सराहना गरेका छन्।

प्रधानमन्त्रीले आफ्नो सन्देशमा भनेका छन्, मध्य प्रदेशका उर्जावान मुख्यमन्त्री डा. मोहन यादवको मार्गदर्शनमा आय़ोजित यस महोत्सवको माध्यमले सम्राट विक्रमादित्यको गौरवगाथा र वैभवलाई जन-जनसम्म पुऱ्याउने प्रयास गरिँदैछ, यसलाई लिएर म खुशी छु। उनले कार्यक्रमका आयोजकहरू र यसमा हिस्सा लिइरहेका देशका कलाकारहरूलाई आयोजनको सफलताको हार्दिक बधाई र शुभकामना दिएका छन्।

जनसम्पर्क अधिकारी संदीप कपूरले शनिवार जानकारी गराए, प्रधानमन्त्री मोदीले आफ्नो सन्देशमा लेखेका छन्, युगपुरूष सम्राट विक्रमादित्यको शासनकाल जनकल्याण, सुशासन र सांस्कृतिक पुनरूत्थानको निम्ति चिनिन्छ। उनी भारतको न्यायप्रिय र लोक कल्याणकारी नेतृत्व परम्पराको प्रतीक थिए। उनले साहित्य, कला र विज्ञानलाई जुन रूपमा प्रोत्साहित गरे, त्यो आजपनि हाम्रो निम्ति आदर्श हो। उनको कालको ‘विक्रम सम्बत’ परम्परा आजपनि भारतीय संस्कृतिको पहिचान हो। सम्राट विक्रमादित्य महानाट्य र प्रदर्शनीको महत्व एक सांस्कृतिक आयोजनभन्दा पनि माथि छ। यसको उद्देश्य हाम्रो इतिहास, हाम्रो मूलहरू र हाम्रो आत्मबोधलाई एक उत्सवको रूपमा मनाउनु हो। मलाई विश्वास छ, यस्ता आयोजनहरूले वर्तमान र भविष्यका पीढ़ीहरू भारतको स्वर्णिम अतीतसित परिचित हुनेछ र त्यसबाट प्रेरणा लिएर राष्ट्र निर्माणमा अगाड़ी बढ्नेछ।

हिन्दुस्थान समाचार / भवानी थामी