मुम्बई, 18 अप्रेल (हि.स.)। महाराष्ट्रको ठाणे जिल्लाको मीरा रोड र वसईमा पुलिसले छापा मारेर लगभग 22 करोड़ रूपियाँको ड्रग्स जफत गरेको छ। यस मामिलामा मीरा भायंदर वसई विरार (एमबीवीवी) पुलिसले दुई विदेशी नागरिकहरू सहित तीन जनालाई समातेको छ। यस मामिलाको गहन छानबीन जारी छ।

एमबीवीवी क्राइम ब्राञ्चका सहायक पुलिस आयुक्त मदन बल्लालले शुक्रवार मीडियालाई जानकारी गराए, एक गुप्त सूचनाको आधारमा कारबाही गर्दै पुलिसले 15 अप्रेलमा शबीना शेख (42) नामक एक महिलालाई समात्यो। उदेखि 17.74 करोड़ रूपियाँ मूल्यको 11.8 किलोग्राम कोकीन जफत गरिएको थियो। यस महिलाले पुलिसलाई भनिन् कि उसलाई यो ड्रग्स एक नाइजेरियाई नागरिकले दिएको थियो। यही जानकारीको आधारमा नाइजेरियाई नागरिक एन्डी उबाबुदिके ओनिनसे (45) लाई 2.608 किलोग्राम कोकीनको साथ पक्राउ गरियो।

नाइजेरियाई नागरिदेखि जफत गरिएको ड्रगको मूल्य 3.9 करोड़ रूपियाँ मापिएको छ। यसपछि नाइजेरियाई नागरिकसित अगाड़ीको सोधपुछमा एक अन्य विदेशी महिलाको पत्तो लाग्यो। पुलिसले वसईमा छापा मारेर कैमरून देशकी 32 वर्षीय क्रिस्टाबेल एनजेईलाई पक्राउ गऱ्यो। पुलिस टीमले उक्त महिलादेखि 64.98 लाख रूपियाँ मूल्यको 433.2 ग्राम कोकीन जफत गऱ्यो। यस कारबाहीमा आरोपीहरूदेखि 2.84 लाख रूपियाँको विदेशी मुद्रा र भारतीय रूपियाँ पनि जफत गरिएको छ।

एसीपी बल्लाले भने, यस मामिलामा पुलिसले तस्करीको समान कहाँबाट आयो र त्यसको सम्भावित खरीददार को थियो, यसको गहन छानबीन गरिरहेको छ। यस मामिलामा थप गिरफ्तारीहरू हुनसक्ने सम्भावना छ।

हिन्दुस्थान समाचार / भवानी थामी