सिलगढ़ी, 02 अप्रेल (हि. स)। नाबालिक किशोरीको हत्याको मामिलामा एनजेपी थानाको पुलिसले दुईजना मानिसहरूलाई पक्राउ गरेको छ जसमध्ये एकजनाको नाम रोहित राय हो भने दोस्रो नाबालिक छन्। दुवै आरोपी किशोरीका साथीहरू हुन्। यसबीच भाजपा नेतृत्वले घटनाका आरोपीहरूको लागि अनुकरणीय सजायको माग गर्दै एनजेपी थाना सामु बुधवार अपरान्ह विरोध प्रदर्शन गरे। थाना घेराउ गर्नका साथै सड़क जाम गरी विरोध प्रकट गरियो। पछि पुलिसले स्थितिलाई सामान्य बनायो।

उल्लेखनीय छ, गए मंगलवार अपरान्ह एनजेपी थाना क्षेत्र अधिनस्थ शान्तिपाड़ा निवासी नाबालिक दिया मजुमदार कुनै कारणवश घरबाट हिँड़ेकी थिइन्। यसको केही समयपछि नै नाबालिकको हत्या गरियो। नाबालिकका साथी रोहितले नाबालिकको परिवारलाई फोनमा बताए, उसलाई झोड़ीबीच अचेत अवस्थामा भेटिएको छ। यद्यपि पछि रोहितको क्षेत्र निवासी केही मानिसहरूले पुलिसलाई बताए, गत मंगलवार साँझ लगभग 5 बजी रोहितले नाबालिकलाई अचेत अवस्थामा घरबाट लिएर गएका थिए। त्यसबेला रोहितलाई प्रश्न गर्दा तिनले बताए, नशामा चुर भएको कारणले उ अचेत भएको हो। पछि नाबालिकलाई सिलगढ़ी जिल्ला अस्पतालमा लगियो जहाँ चिकित्सकहरूले उसलाई मृत घोषित गरिदिए। घटनापछि अस्पतालमा तनाउ व्याप्त भएको थियो। घटना घटेको राती परिवारको पक्षबाट एनजेपी थानामा हत्याको लिखित सिकायत दर्ता गरियो जसपश्चात पुलिसले रोहित सहित दुईजनालाई पक्राउ गरेको छ।

हिन्दुस्थान समाचार / उष्णता छेत्री शर्मा