वेटिकन सिटी, 18 मई (हि.स.)। नयाँ पोप लिओ-14 को आज आइतवार वेटिकन सिटीको सेन्ट पीटर स्क्वायरमा शपथ ग्रहण समारोह हुनेछ। यो समारोह भारतको समयानुसार दिउँसो 1.30 बजी शुरू गरिनेछ, जुन पूरा दुई घण्टासम्म चल्नेछ। यस शपथ ग्रहणमा सामेल हुन विश्वभरिका तमाम नेता वेटिकन सिटी पुगिसकेका छन्।

रोमन केथोलिक चर्चका पूर्व पोप फ्रान्सिसको गत महिना 21 अप्रेल 88 वर्षको आयुमा निधन भएको थियो। त्यसपछि 08 मईमा कार्डिनलले भोटिङ गरी नयाँ पोपको रूपमा लिओको नाम तय गरेको थियो। नयाँ पोप लिओको असली नाम रबर्ट फ्रान्सिस प्रीवोस्ट हो। केथोलिक परम्परा अनुसार, शपथ ग्रहणपछि नयाँ पोपलाई एक धार्मिक वस्त्र र एक औंठी दिइनेछ। यो उपहार नयाँ पोपको पदभार ग्रहण गरेको प्रतीक हुन्छ।

एक रिपोर्ट अनुसार, पोपको शपथ ग्रहण समारोहमा अमेरिकाका उपराष्ट्रपति जेडी वेन्स, उनकी पत्नी ऊषा वेन्स, विदेश मन्त्री मार्को रूबियो, उनकी पत्नी जीनेट रूबियो र कनाडाका प्रधानमन्त्री मार्क कार्नी समेत धेरै देशहरूका राजनेता र धार्मिक मानिसहरू सामेल हुनेछन्।

हिन्दुस्थान समाचार / भवानी थामी