कोलकाता, 9 मई (हि.स.) । भारत औ पाकिस्तानबीच बढ़्दो तनाउपूर्ण स्थितिमा पश्चिम बंगाल भाजपा अध्यक्ष औ केन्द्रिय राज्य मन्त्री सुकान्त मजुमदारले शुक्रवार रवीन्द्रनाथ टैगोरका गीतहरूमा निहित राष्ट्रभक्तिका सन्देशहरूलाई स्मरण गराए। उनले भने, भारतीय सशस्त्र बलहरूका तीनैवटा अंग गुरूदेवका प्रेरणादायक पंक्तिहरूबाट ऊर्जा लिएर सीमाहरूमा डटिरहेका छन्।मजुमदारले भने, “गुरुदेवले भनेका थिए — ‘ओ मेरे देश की मिट्टी, तुझ पर सिर झुकाता हूं।' यसै पंक्तिबाट प्रेरणा लिएर हाम्रा जवानहरू सीमामा लड़िरहेका छन्। अब समय आएको छ देशवासीहरू एकजुट भएर यसै पंक्तिबाट प्रेरित हुने जसले भारतीय साहित्यलाई वैश्विक उचाईँसम्म पुऱ्यायो।”

कोलकातामा आयोजित टैगोरको प्रतिमामा माल्यार्पण कार्यक्रम अवधि उनले यो पनि भने, भारत अब परिवर्तन भएको छ र प्रधानमन्त्री नरेन्द्र मोदीको नेतृत्वमा भारतीय सेनाले पाकिस्तानलाई सशक्त जवाफ दिरहेको छ।मजुमदारले भने, “पाकिस्तानको हरेक प्रश्नको जवाफ भारतसित छ। हाम्रा सेनाले पहिलाबाटै जवाफ दिन शुरू गरिसकेका छन्। अब भारत शान्त बस्नेछैन। तीनै सेनाहरूले सीमामा पाकिस्तानलाई जवाफ दिन शुरू गरेको छ र यो सिलसिला आगामी दिनमा पनि जारी रहनेछ।”

उनले स्पष्ट पारे, भारतीय सेनाहरूले आतंकवादी ठेगानाहरूलाई मात्र लक्षित गरिरहेका छन् भने अर्कोतिर पाकिस्तानले आम नागरिक तथा सैन्य प्रतिष्ठानहरूलाई समेत लक्षित गरिरहेको छ। उनले भने, “यस्तो हमलाको उचित जवाफ दिन आवश्यक भएको थियो र हाम्रा सैनिकहरूले त्यही गरिरहेका छन्। हालाकोट होस् वा पुलवामा, भारतले सदैव सशक्त जवाफ दिएको छ।”

पाकिस्तानको आर्थिक अवस्थालाई लिएर मजुमदारले भने, युद्ध गर्ने इच्छा प्रकट गर्ने पाकिस्तानको अवस्था पहिलाको भन्दा अझ दयनीय भइसकेको छ। अब उसलाई अन्तर्राष्ट्रिय मुद्रा कोषबाट सहयोग माग्न परिरहेको छ। अन्तमा उनले भने, “भारत सदैव शान्तिको पक्षधर रहिआएको छ, तर यदि कसैले कसैमाथि युद्ध थोपर्छ भने आफ्ना नागरिकहरूको सुरक्षा सुनिश्चित गर्ने दायित्व सरकारले वहन गर्नुपर्छ।”

हिन्दुस्थान समाचार / उष्णता छेत्री शर्मा