इम्फाल, 25 जुलाई (हि.स.)। मणिपुर पुलिसले उग्रवाद विरूद्ध जारी विशेष अभियान अन्तर्गत काकचिंग जिल्लाको वाबगाई क्षेत्रमा कारबाही गर्दै प्रतिबन्धित संगठन कांगलेइपाक कम्युनिस्ट पार्टी (पीपुल्स वार ग्रुप) का चार क्याडरलाई पक्राउ गरेको छ।

पक्रा परेका उग्रवादीहरूको पहिचान वाबगाई माइरेंगबम लीकाई निवासी लैश्रम ननाओ सिंह (41), वाबगाई टेरा उरक निवासी मायेंगबम शंजीत सिंह (51) र खादेम राजेश सिंह (45) तथा इम्फाल वेस्ट जिल्लाको यूरेंबम अवांग लीकाई निवासी लैश्रम रंजीत मैतेई (51) को रूपमा गरिएको छ। यिनीहरूदेखि एक .32 पेस्तोल, चार मोबाइल फोन र एक कोमेट 10x50 डीपीएसआई दूरबीन जफत गरिएको छ। अधिकारीहरूको भनाई छ, यी सबै क्षेत्रमा भूमिगत गतिविधिहरूको समन्वयमा लिप्त थिए।

यस बाहेक 24 जुलाईमा चुराचांदपुर थाना क्षेत्रको सिदेन क्षेत्रमा एक अन्य अभियानमा भारी मात्रामा हतियार र विस्फोटक जफत भयो। जफत गरिएको सामग्रीमा एक .22 राइफल (बिना म्याग्जीन), एक 9 एमएम कार्बाइन विद म्याग्जीन, एक 9 एमएम पेस्तोल म्याग्जीन, छह एसबी राइफल, एक 12-बोर राइफल, एक सिंगल बेरल बोल्ट-एक्शन राइफल, एक संशोधित लामो दूरीको मोर्टार (पोम्पी), तीन जीवित पोम्पी बम, दुई बाओफेंग वायरलेस सेट, एक स्मोक ग्रेनेड र भारी मात्रामा कारतूस सामेल छ।

यसबीच राज्यभरिमा संवेदनशील र सीमावर्ती क्षेत्रहरूमा खोजी अभियान तीव्र गरिएको छ। सुरक्षा अधिकारीहरूले भने, राज्यमा उग्रवादमाथि लगाम कस्न र संवेदनशील समुदायहरूको सुरक्षा सुनिश्चित गर्न यस्ता अभियानहरूलाई अझ् तीव्र गरिएको छ।

हिन्दुस्थान समाचार / भवानी थामी