अहमदाबाद, 26 जुलाई (हि.स.)। लोकसभामा नेता प्रतिपक्ष राहुल गान्धीले शनिवार गुजरातको आणंदमा नवनियुक्त जिल्ला कांग्रेस अध्य़क्षहरूको प्रशिक्षण शिविरको उद्घाटन गरे। उनी गुजरातमा एक दिन बस्नेछन्। कांग्रेस कमिटीले विजन 2027 को रोडम्याप तय गर्न प्रदेश नवनियुक्त जिल्ला कांग्रेस अध्य़क्षहरूका लागि 26 देखि 28 जुलाईसम्म तीन दिवसीय प्रशिक्षण शिविरको आयोजन गरेको छ।

नेता प्रतिपक्ष राहुल गान्धी आज बिहान वडोदरा हवाईअड्डा पुगे। त्यहाँ कांग्रेसका वरिष्ठ नेताहरू र कार्यकर्ताहरूले उनको स्वागत गरे। त्यहाँबाट उनी सड़क मार्ग मार्फत आणंद पुगे। कांग्रेसले संगठन सृजन अभियान अन्तर्गत गुजरातमा सबै जिल्ला अध्यक्षहरूको नियुक्ति गरेको छ। सोही अन्तर्गत आणंदमा अन्धारिया चकला नजिक निजानन्द रिसोर्टमा प्रशिक्षण शिविर आयोजित गरिएको छ। उनले नवनियुक्त जिल्ला अध्यक्षहरूको साथ लगभग चार घण्टा बिताउनेछन् र उनीहरूको मार्गदर्शन गर्नेछन्।

प्रशिक्षण शिविरमा संगठन महासचिव केसी वेणुगोपाल, महासचिव एवं गुजरात संगठन प्रभारी मुकुल वासनिक, गुजरात कांग्रेस अध्यक्ष अमित चावड़ा र प्रदेश कांग्रेस र आणंद कांग्रेसका पदाधिकारी सामेल भए।

राहुल गान्धीले आज जितोदियामा सहकारी दुग्ध उत्पादकहरू र सहकारी समुदायका नेताहरूको साथ बैठक पनि गर्नेछन्। लोकसभा चुनाउ-2024 पछि जुलाई 2024 मा राहुल गान्धी गुजरात दौड़ाहमा आएका थिए। तब उनले कांग्रेस कार्यकर्ताहरूलाई सम्बोधित गर्दै भनेका थिए, जुन प्रकारले हामीले अयोध्यामा भाजपालाई हराएका छौं, उसैगरी गुजरातमा पनि हराउनेछौं।

कांग्रेसका शीर्ष नेताहरूले पनि गुजरातको दौड़ाह बढ़ाएका छन्। गुजरात प्रधानमन्त्री नरेन्द्र मोदी र अमित शाहको गृह राज्य हो, यसैले यहाँको हरेक चुनाउ अहम हुन्छ। यस्तो स्थितिमा कांग्रेसलाई लाग्छ कि यदि उसलाई अगाड़ी बढ्नुछ भने उसले गुजरातमा भाजपालाई हराउनुपर्नेछ। यसका लागि कांग्रेसले आगामी दुई वर्षको निम्ति आफ्नो कार्यक्रम तयार गर्नेछ।

हिन्दुस्थान समाचार / भवानी थामी