गान्तोक, 31 जुलाई (हि.स.)। अप्पर बुर्तुक निर्वाचन क्षेत्रकी विधायक कला राईले आज राजधानीको तामाङ गुम्पा छेउ गएको पैह्रो क्षेत्रको निरीक्षण भ्रमण गरिन्। उनले तामाङ गुम्पा नजिक सबैभन्दा प्रभावित क्षेत्रहरू मध्ये एकको भ्रमण गरिन्, जुन हिजो साँझ परेको बर्खा झरीले व्यापक क्षति पुऱ्याएको सामाजिक सञ्जाल फेसबुक पोस्टमा उल्लेख गरेकी छिन्।
यस त्यस क्षेत्रको सडक पूर्ण रूपमा बगाएको, साथै खानेपानीको पाइपलाइन, ढल निकास प्रणाली, विद्युत सबस्टेशनलाई क्षति पुगेको र नजिकैका सम्पत्तिहरूमा आंशिक क्षति पुगेको उनले जानकारी गराएकी छिन्। उनले चुनौतीहरूलाई झेल्दै सबै सम्बन्धित विभागहरूको द्रुत प्रतिक्रिया र पूर्ण सहयोगको लागि हार्दिक आभार व्यक्त गरेकी छिन्।
उनले वार्ड पार्षद, उर्जा विभाग, वन विभाग, पीएचई विभाग र जिल्ला आपदा प्रबन्धन प्राधिकरणको टोली प्रभावित क्षेत्रमा सामान्य अवस्था पुनर्स्थापित गर्न सक्रिय रूपमा संलग्न रहेको पनि जानकारी गराएकी छिन्।
हिन्दुस्थान समाचार / बिशाल
