गान्तोक, 17 सेप्टेम्बर (हि.स.)। सिक्किमका राज्यपाल ओमप्रकाश माथुर आज विश्‍वकर्मा पूजाको पावन अवसरमा राजभवन प्राङ्गणमा आयोजित समारोहमा सहभागी भए। उनले हवन गरी प्रार्थना गर्दै शिल्पकला र अभियान्त्रिकी उत्कृष्टताको प्रतीक तथा दैवी वास्तुकार भगवान् विश्वकर्माबाट आशीर्वादको लागि प्रार्थना गरे।

यस अवसरमा उनले राजभवनका अधिकृत तथा कर्मचारीहरुलाई हार्दिक शुभकामना र मंगलकामना व्यक्त गरे। साथै, भगवान् विश्वकर्माबाट प्रेरणा लिँदै सार्वजनिक सेवामा समर्पण, कौशल र इमान्दारिताको महत्त्वलाई उनले जोड दिए।

उक्त कार्यक्रममा राजभवनका अधिकारी तथा कर्मचारीहरुको उपस्थिति रहेको थियो ।

---------------

हिन्दुस्थान समाचार / बिशाल