नाम्ची, 12 जनवरी (हि.स.)। राज्यस्तरीय अन्तर–निर्वाचन क्षेत्र फुटबल प्रतियोगिताको दोस्रो सेमिफाइनल खेल आज जोरथाङ फुटबल स्टेडियममा सम्पन्न भयो। सालघारी–जुम निर्वाचन क्षेत्र र
नाम्चेबुङ निर्वाचन क्षेत्रबीच सम्पन्न भएको प्रतिस्पर्धात्मक खेलमा गेजिङ जिल्लाका जिल्लापाल तेन्जिङ डी. डेन्जोङ प्रमुख अतिथि तथा फुर तेन्जिङ भोटिया विशेष अतिथि थिए।
सोरेङ जिल्लाको सालघारी–जुम निर्वाचन क्षेत्रको टोलीले उत्कृष्ट प्रदर्शन गर्दै पाकिम जिल्लाको नाम्चेबुङ निर्वाचन क्षेत्रको टोलीलाई ४–० गोल अन्तरले पराजित गर्दै फाइनलमा आफ्नो स्थान सुरक्षित गर्यो। विजयी टोलीका खेलाडी राज कुमार सन्तासी उत्कृष्ट प्रदर्शनका लागि ‘म्यान अफ द म्याच’ घोषित भए। उनलाई प्रमुख अतिथिद्वारा प्रदान गरिएको पुरस्कारसहित नगद रु ३,००० प्रदान गरियो।
यो प्रतियोगिता सिक्किम सरकारको खेलकुद तथा युवा मामिला विभागद्वारा माघे सङ्क्रान्ति मेला २०२६ को आयोजन समिति सँगको सहकार्यमा आयोजना गरिएको हो।
---------------
हिन्दुस्थान समाचार / बिशाल
