कोलकाता, 09 जनवरी (हि.स.)। शिवदासपुर पुलिस थानाले बिहीवार राति ब्यारेकपुर डिटेक्टिव डिपार्टमेन्टको सक्रिय सहयोगमा उत्तर 24 परगना जिल्लाको नयाँ ब्यारेकपुरको नयाँ हाट बजार क्षेत्रमा छापा मारेर तीन जनालाई पक्राउ गरेको छ।

पुलिसले कन्टेनरमा राखिएको 27 किलो गाँजा जफत गरेको छ। पक्रा परेका संदिग्धहरूको पहिचान अगापुर निवासी विश्वजित राई (34), जलपाईगुडी निवासी सुजित बरुआ (36) र अजय विश्वास (44) को रूपमा गरिएको छ।

पुलिस अनुसार, तीन संदिग्धहरूलाई गाँजा तस्करी गर्दा पक्राउ गरियो। कानूनी प्रक्रियाहरूको पालन गर्दै कन्टेनर समेत 27 किलो गाँजा जफत गरिएको छ। सम्बन्धित धाराहरू अन्तर्गत मुद्दा दर्ता गरिएको छ र अनुसन्धान शुरु गरिएको छ।

पुलिसले गाँजा कन्टेनरमा कहाँ लोड गरिएको थियो र कुन उद्देश्यका लागि ढुवानी गरिएको थियो भन्ने बारे अनुसन्धान गरिरहेको छ।

हिन्दुस्थान समाचार / भवानी थामी