हुगली, 0१ अक्टोबर (हि.स.)। सरसफाइ तथा स्वच्छताबारे जनचेतना बढ़ाउने उद्देश्यले जिराट विजयकृष्ण महाविद्यालयको पहलमा स्वच्छ भारत अभियान अन्तर्गत बिहिवार सचेतना कार्यक्रम आयोजना गरियो। यस अवसरमा जिराट महाविद्यालयदेखि जिराट रेलवे स्टेशनसम्म जनचेतना पदयात्रा निकायो।
कार्यक्रममा पश्चिम बंगालकी मन्त्री तथा बालागढ़की विधायक सुमना सरकार पनि सहभागी भइन्। यस क्रममा उनले हातमा कुचो लिएर सरसफाइ अभियानमा सहभागी भएको देखियो। उनले महाविद्यालयका विद्यार्थी, शिक्षक–शिक्षिका तथा अन्य सहभागीहरूसँगै पदयात्रामा सहभागिता जनाइन्।
पदयात्राका क्रममा सर्वसाधारणलाई सरसफाइ तथा पर्यावरण संरक्षणबारे जनचेतनाको सन्देश दिइयो। कार्यक्रम मार्फत मानिसहरूलाई आफ्नो वरपरको क्षेत्र सफा राख्न तथा स्वच्छ पर्यावरण निर्माणमा सहयोग गर्न आह्वान गरियो।
सुमना सरकारले स्वच्छ तथा स्वस्थ वातावरण निर्माण गर्नु केवल प्रशासनको जिम्मेवारी नभई समाजका प्रत्येक व्यक्तिको सामूहिक जिम्मेवारी भएको बताइन्। आफ्नो क्षेत्र सफा राख्नुका साथै अरूलाई पनि सरसफाइप्रति सचेत गराउनु आवश्यक रहेको उनको भनाई थियो।
महाविद्यालय परिसरबाट शुरु भएको पदयात्रा जिराट रेलवे स्टेशनसम्म पुग्यो। विद्यार्थी तथा सर्वसाधारणको सहभागितामा आयोजित कार्यक्रममा सरसफाइ तथा जनचेतनाको सन्देश दिइयो।
हिन्दुस्थान समाचार / बिशाल
