कोलकाता, 02 अक्टोबर (हि.स.)। पश्चिम बङ्गालका मुख्यमन्त्री शुभेन्दु अधिकारीले शुक्रवार बिहान पूर्व प्रधानमन्त्री तथा भारत रत्न लालबहादुर शास्त्रीलाई उनको जन्म जयन्तीमा श्रद्धाञ्जली अर्पण गरे। सोशल मिडिया पोस्टमा उनले शास्त्रीलाई सरलता, इमानदारी एवं निर्णायक नेतृत्वको उदाहरण बताए।
आफ्नो सन्देशमा शुभेन्दु अधिकारीले भने, लालबहादुर शास्त्रीको अमर आह्वान 'जय जवान, जय किसान'-ले आज पनि राष्ट्रलाई प्रेरणा दिँदै आएको छ। उनले देशका सीमानाहरूको रक्षा गर्ने सैनिकहरूको अदम्य साहस एवं करोडौं मानिसहरूको पेट भरिदिने किसानहरूको अथक परिश्रमलाई नमन गरे। उनले भने, विनम्रता अनि दृढ़ सङ्कल्पको साथमा देशको नेतृत्व गर्ने शास्त्रीजीको जीवन निःस्वार्थ जनसेवाको आदर्श नै भएको छ।
लालबहादुर शास्त्रीको जन्म 2 अक्टोबर, 1904 मा उत्तर प्रदेशको मुगलसरायमा भएको थियो। उनी 9 जून, 1964- मा देशका प्रधानमन्त्री भए भने उनले 11 जनवरी, 1966 सम्म यस पदमा बसेर आफ्नो सेवा दिए। यसअघि उनले केन्द्र सरकारको रेल, यातायात तथा सञ्चार, वाणिज्य तथा उद्योग एवं गृह मन्त्रालय सहित धेरै वटा महत्त्वपूर्ण जिम्मेवारी सम्हालेका थिए। रेलमन्त्रीको रूपमा उनले एउटा ठूलो रेल दुर्घटनापछि नैतिक जिम्मेवारी लिँदै आफ्नो पदबाट राजीनामा दिएका थिए। प्रधानमन्त्री कार्यालयको आधिकारिक विज्ञप्तिमा उनको यस कदमलाई नैतिकता तथा संवैधानिक मर्यादासित जोड़िएको छ।
उनको मृत्यु 11 जनवरी, 1966 मा ताशकन्दमा भयो। उनको सार्वजनिक जीवन सरलता, कर्तव्यनिष्ठा एवं राष्ट्रसेवाका लागि परिचित छ। उनको 'जय जवान, जय किसान' -को सन्देशलाई आज पनि भारतीय जीवनमा स्मरणीय छ।
--------
हिन्दुस्थान समाचार / उष्णता छेत्री शर्मा
