हैलाकान्दी (असम), 31 अक्टोबर (हि.स.)। असमको कृषि विभागले किसानहरूको पञ्जीकरण प्रक्रियामा लापरवाही गरेको आरोपमा हैलाकान्दीका जिल्ला कृषि अधिकारी मनोज कुमार बैश्यलाई निलम्बन गरेको छ। उनीविरुद्ध विभागीय जाँचको आदेश पनि दिइएको छ।
यसअघि सोही मामिलामा जिल्लाका पाँच जना कृषि विकास अधिकारी (एडीओ)-हरूलाई पनि निलम्बन गरिएको थियो। यी अधिकारीहरूले किसानहरूको पञ्जीकरण प्रक्रियामा लापरवाही गरेको आरोप लगाइएको थियो।
पाँच एडीओ निलम्बन भएपछि अब विभागले जिल्ला कृषि अधिकारीविरुद्ध पनि कारबाही गरेको छ। कृषि मन्त्री पीयूष हजारिकाको आकस्मिक भ्रमणपछि कृषि विभागले यो आदेश जारी गरेको हो।
जिल्ला कृषि अधिकारीविरुद्ध विभागीय जाँच गर्ने आदेश दिइएको छ। अनुसन्धानले किसानहरूको पञ्जीकरणमा भएको कथित त्रुटि तथा अधिकारीहरूको जिम्मेवारीको जाँच गर्नेछ।
--------
हिन्दुस्थान समाचार / उष्णता छेत्री शर्मा
