कोलकाता, 05 अक्टोबर (हि.स.)। घरमा आगलागी हुँदा जलेर घाइते भएका सागरदिघीका भाजपा विधायक बायरन बिस्वासलाई उन्नत उपचारको लागि दिल्ली लगिएको छ।
बायरनका दाज्यु मिल्टन बिस्वासले सोमवार भने, बायरनलाई गए आइतवार साँझ कोलकाताबाट एयर एम्बुलेन्सको माध्यमबाट दिल्ली लगिएको थियो। उनले बताए, बायरन बिस्वास गत शनिवार दिउँसो धुलियानस्थित आफ्नो घरमाथिए। यसैबेला स्थानीय मानिसहरूले उनको घरबाट आगो र धुवाँ निस्किएको देखे। उनलाई त्यहाँबाट गम्भीर अवस्थामा उद्धार गरी धुलियानको एक निजी अस्पतालमा भर्ना गरियो। त्यहाँबाट उनलाई कोलकाता ल्याइयो, त्यसपछि दिल्ली लगियो। एसीमा विस्फोट भएको कारणले बायरन बिस्वास जलेको उनले दाबी गरे।
मिल्टन बिस्वासले भने, बायरनलाई मधुमेह बाहेक धेरै वटा शारीरिक समस्याहरू छन्। त्यसैले उनलाई राम्रो उपचारको लागि एयर एम्बुलेन्स मार्फत दिल्ली लगिएको हो।
उनको दिल्लीको एक अस्पतालमा उनको उपचार शुरु भएको जसको प्रभाव पनि भइरहेको छ, उनले बताए।
हिन्दुस्थान समाचार / उष्णता छेत्री शर्मा
