कुशीनगर, ०२ नोभेम्बर (हि.स.)। उत्तर प्रदेशको कुशीनगर जिल्लामा आइतवार राति भएको भीषण सड़क दुर्घटनामा छह जनाको मृत्यु भएको छ भने दुई जना गम्भीर घाइते भएका छन्। दुर्घटना हाटा कोतवाली क्षेत्र अन्तर्गत हाटा–पिपराइच मार्गमा थरुआडीह नजिकै एक पेट्रोल पम्पको छेउमा भएको हो। यहाँ भ्यान र ट्रेलर एकापसमा आमनेसामने ठोक्किएका थिए। ठक्कर यति भीषण थियो कि भ्यान पूर्ण रूपमा क्षतिग्रस्त भयो। मृतकहरूमध्ये एउटै परिवारका पाँच जना सदस्य रहेका छन्।

अपर पुलिस अधीक्षक (एएसपी) सिद्धार्थ वर्माले बताए अनुसार, कप्तानगञ्ज थाना क्षेत्र अन्तर्गत भलुही गाउँका प्रधान प्रतिनिधि कन्हैया प्रसाद आफ्नो परिवार र परिचितहरूसँग देवराज पिपरामा एक आफन्तको घरमा आयोजित तिलक समारोहमा सहभागी हुन गएका थिए। कार्यक्रम सम्पन्न भएपछि सबै जना अबेर राति भ्यानमा घर फर्किरहेका थिए। यसै क्रममा थरुआडीह नजिकै अगाड़ीबाट आइरहेको ट्रेलरसँग भ्यान जोडदार रूपमा ठोक्कियो।

दुर्घटनापछि भ्यान पूर्ण रूपमा क्षतिग्रस्त भयो र त्यसमा सवार मानिसहरू भित्रै फसे। घटनास्थलमा चिच्याहट र रुवाबासी मच्चियो। स्थानीय बासिन्दा र पुलिसले भ्यानभित्र फसेका मानिसहरूलाई बाहिर निकाले।

दुर्घटनामा भ्यान चालक मिथिलेश गुप्ता सहित छह जनाको मृत्यु भयो। मृतकहरूमा चालक बाहेक मृदुल मिश्रा, रञ्जन कुमार, राममिलन, रामविलास र कन्हैया प्रसाद रहेका छन्। दुर्घटनामा घाइते आर्यन र आयुषको अवस्था गम्भीर रहेको बताइएको छ। दुवैलाई थप उपचारका लागि गोरखपुर मेडिकल कलेज रेफर गरिएको छ। पुलिसले सबै शवलाई पोस्टमार्टमका लागि पठाएको छ।

एएसपीले घटनापछि ट्रेलर चालक फरार रहेको बताए। पुलिसले उसको खोजी गरिरहेको छ। हाल पुलिसले सबै शव पोस्टमार्टमका लागि पठाएको छ।

हिन्दुस्थान समाचार / भवानी थामी