मङ्गन, 11 फरवरी (हि.स.)। मङ्गनस्थित एसपी क्वार्टर तल निर्माण गरिएको ओपन एयर जिमको आज औपचारिक रूपमा उद्घाटन गरिएको छ। उद्घाटन समारोहमा मङ्गनका मुख्य शिक्षा अधिकारी डेभिड जी. लिङ्दोङ, एसडीएम सन्दीप कुमार, भारतीय सेनाका अधिकारीहरू, मङ्गन गर्ल्स सीनियर सेकेन्डरी स्कूलकी प्राचार्य कर्म डोमा भोटिया तथा छात्राहरूको उपस्थिति रहेको थियो।

यस पहलको उद्देश्य विद्यार्थीहरू तथा स्थानीय समुदायबीच शारीरिक तन्दुरुस्ती, अनुशासन र समग्र स्वास्थ्य प्रवर्द्धन गर्नु रहेको बताइएको छ। यस्तो पूर्वाधारले युवाहरूलाई स्वस्थ र सक्रिय जीवनशैली अपनाउन प्रोत्साहन गर्ने विश्वास व्यक्त गरिएको छ। सर्वसाधारणले पनि यस सुविधाको प्रयोग गरी स्वस्थ जीवनशैली अपनाउन सक्ने बताइएको छ, तर पूर्वाधारको उचित संरक्षण र मर्मतसम्भारमा पनि ध्यान दिनुपर्ने अपील गरिएको छ।

कार्यक्रममा भारतीय सेनाको योगदान र विकासात्मक पहलप्रतिको प्रतिबद्धताको प्रशंसा गर्दै धन्यवाद ज्ञापन गरियो।

हिन्दुस्थान समाचार / बिशाल