जीन्द, 14 मार्च (हि.स.)। सिविल लाइस थाना पुलिसले डाक्टरको पर्सनल लोन गराएर 21 लाख रूपियाँको राशि तथा गहना हिनामिना गरेको आरोपमा 13 जना विरुद्ध ठगीको मुद्दा दर्ता गरेको छ।
सेक्टर 9 का निवासी डा. वीरेन्द्रले शनिवार पुलिसमा दिएको उजुरीमा उनकी पत्नी निशा र फिरोज उनको तेवातिया इन्टरप्राइजेजका मालिक भएको बताएका छन्। आरोपीहरूले उनलाई 2023 र 24 मा पर्सनल लोन लिन बाध्य पारेका थिए। आरोपीहरूले पैसा आफ्नै र अन्य आफन्तको खातामा ट्रान्सफर गरेका थिए। उनीहरूले लोनको किस्ता आफैं तिर्ने आश्वासन दिएका थिए। केही दिनपछि आरोपीहरूले किस्ता तिर्न अस्वीकार गरे। निशा र उनका आफन्तले घरबाट गरगहना र नगदी पनि लगे।
जब उनले विरोध गरे तब आरोपीहरूले उनलाई दाइजो मुद्दामा फसाउने धम्की दिए। उजुरीको आधारमा पुलिसले थप अनुसन्धान गर्यो् र 21 लाख रुपियाँ हिनामिना भएको पत्ता लगायो। सिविल लाइन थानाका जाँच अधिकारी विनोद कुमारले डा. वीरेन्द्रको उजुरीको आधारमा पुलिसले राजु तेवतिया, पवन, निशा, फिरोज, अभिषेक, भरत, नवनीत, आदित्य, दिपांशु, हिमांशु, अञ्जुला र मनिषा विरुद्ध भारतीय दण्ड संहिताको विभिन्न धाराहरू, जसमा ठगी पनि सामेल छ, अन्तर्गत मुद्दा दर्ता गरेको र अनुसन्धान शुरु गरेको बताए।
हिन्दुस्थान समाचार / भवानी थामी
