- राज्यपालले विद्यार्थीहरूलाई राष्ट्रको निर्माणमा सक्रिय योगदान दिन आह्वान गरे

गान्तोक, 14 मार्च (हि.स.)। कञ्चनजङ्घा स्टेट युनिभर्सिटी, सिक्किमको चौथो दीक्षान्त समारोह आज राजधानीको चिन्तन भवनमा सम्पन्न भयो। कार्यक्रममा सिक्किमका राज्यपाल एवं विश्वविद्यालयका कुलाधिपति ओमप्रकाश माथुर मुख्य अतिथि र शिक्षा मन्त्री राजु बस्नेत विशिष्ट अतिथि थिए।

कार्यक्रममा राज्यपालले विश्वविद्यालयका नेपाली, संस्कृत, भोटिया, लिम्बू र लेप्चा विषयहरूमा स्नातकोत्तर उपाधि प्राप्त गर्ने विद्यार्थीहरूलाई स्वर्ण एवं रजत पदकसहित डिग्री र मेडल प्रदान गरे।

कार्यक्रमलाई सम्बोधन गर्दै राज्यपाल माथुरले सबै स्नातक उपाधि प्राप्त गर्ने विद्यार्थीहरूलाई बधाई दिए र उनीहरूलाई राष्ट्रको निर्माणमा सक्रिय योगदान दिन आह्वान गरे। उनले विश्वविद्यालयको निर्माणाधीन स्थायी परिसर चॉंडो पूरा गर्ने दिशामा शिक्षा मन्त्रीलाई संज्ञान लिन जोड दिए।

राज्यपालले भने, 'शिक्षा केवल योग्यता होइन, तर एउटा ठूलो जिम्मेवारी हो। विद्यार्थीहरूले आफ्नो परिवार, शिक्षक र विश्वविद्यालयको गरिमालाई अगाडि बढाएर लैजान्छन्। विद्यार्थीहरू कुनै पनि क्षेत्रमा गए पनि सिक्किम र विश्वविद्यालयको नाम देशमा उज्ज्वल बन्ने ठूलो योगदान हुनुपर्छ।'

राज्यपालले सिक्किम प्राकृतिक सौन्दर्य र पर्यटनको लागि मात्र नभई गुणवत्तापूर्ण उच्च शिक्षाको लागि पनि परिचित हुनुपर्छ र विद्यार्थीहरू यसका संवाहक हुन् भनी बताए। उनले कुलपति डा. आशीष शर्मा, संकाय सदस्यहरू र कर्मचारीहरूलाई सीमित संसाधनहरूका बावजुद यस संस्थानलाई नयॉं उचाईसम्म पुऱ्याएकोमा बधाई दिए।

हिन्दुस्थान समाचार / बिशाल