-एसआईआर प्रक्रिया अवधि ज्यान गुमाउनेहरूलाई दिइयो नियुक्ति पत्र
कोलकाता, 02 मार्च (हि.स.)। पश्चिम बंगालकी मुख्यमन्त्री ममता ब्यनर्जीले सोमवार नेताजी इण्डोर स्टेडियमबाट कल्याणी एक्सप्रेसवेको उद्घाटन गरिन्। यस परियोजनामाथि लगभग 3500 कड़ोर रुपियाँ खर्च भएको छ। उद्घाटन समारोहमा मुख्यमन्त्रीले एसआईआर दुर्घटनामा मारिएका 36 जना राज्यवासीहरूको प्रत्येक परिवारको एकजना सदस्यलाई रोजगारको नियुक्ति पत्र प्रदान गरिन्। त्यसपछि उनले होली उत्सवको आनन्द उठाउँदै उपस्थित मानिसहरूलाई बधाई दिइन्।
कल्याणी एक्सप्रेसवे कोलकाता औ कल्याणीबीच 40 किलोमीटर लामो अत्याधुनिक 4/6 लेनको सिग्नल-फ्री मार्ग हो जसमा 21 वटा फ्लाइओभर सामेल छन्। यसको एउटा किनारलाई निमतामा बेलघरिया एक्सप्रेसवेसित जोड़्छ भने अर्को किनार गंगामाथि निर्माणाधिन ईश्वर गुप्त सेतु तथा राष्ट्रिय राजमार्ग-12 लाई ठूलो जंक्शनसित जोड़्छ। यो मार्ग खोलिएपछि उत्तर 24 परगना तथा नदिया जिल्लाको कोलकातासित सम्पर्क तीव्र अनि सहज हुनेछ।
पश्चिम बंगाल हाइवे डेभलपमेन्ट कर्पोरेशन लिमिटेड अन्तर्गत निर्मित यस एक्सप्रेसवेको सम्बन्धमा प्रशासनको भनाइ छ, क्षेत्रमा उद्योग, वाणिज्य औ रोजगारका अवसरहरू बढ़्नको साथै उत्तर 24 परगना र नदिया जिल्लामा मानिसहरूको दैनिक आगमनको अनुभव उत्कृष्ट हुनेछ तथा क्षेत्रको आर्थिक एवं सामाजिक स्थितिमा पनि सुधार आउनेछ।
हिन्दुस्थान समाचार / उष्णता छेत्री शर्मा
