गान्तोक, 02 मार्च (हि.स.)। सिक्किमका लोकसभा सांसद डा. इन्द्रहाङ सुब्बाले आज रिनाक सरकारी महाविद्यालयमा हप्ताव्यापी राष्ट्रिय शैक्षिक लेखन कार्यशालाको उद्घाटन गरे। यस कार्यक्रमको आयोजना महाविद्यालयको अनुसन्धान प्रकोष्ठले राष्ट्रिय उच्चतर शिक्षा अभियान (रूसा) को सहयोगमा गरेको थियो।

कार्यशालाको उद्देश्य शैक्षिक लेखन कौशललाई सुदृढ पार्नु र आलोचनात्मक जॉंचलाई बढावा दिनु र विभिन्न शैक्षिक विषयका विद्यार्थीहरू, शोधकर्ताहरू र स्रोत व्यक्तिहरूबीच विद्वत्तापूर्ण संलग्नतालाई सहज बनाउनु रहेको बताइएको छ।

कार्यक्रमलाई सम्बोधन गर्दै मुख्य अतिथि सांसद सुब्बाले विद्यार्थीहरूलाई आफ्नो सपना पछ्याउन र कार्यशालामा सक्रिय रूपमा भाग लिन प्रोत्साहित गरे। उनले भ्रम जीवनको एक प्राकृतिक भाग हो भन्दै यस्ता चरणहरूमा लिइएका निर्णयहरूले सिकेको कुरालाई प्रतिबिम्बित गर्दछ भनी बताए। उनले विद्यार्थीहरूलाई करियर छनौट गर्दा सावधानी अपनाउन, अन्वेषण गर्न, प्रयोग गर्न र व्यक्तिगत खुशी खोज्न सल्लाह दिए, ताकि उनीहरूले सकारात्मक योगदान दिन सकून्। उनले शैक्षिक क्षेत्रले बौद्धिक स्वतन्त्रता प्रदान गर्ने कुरामा जोड दिॅंदै विद्यार्थीहरूलाई पढ्ने र निरन्तर सिक्ने बानी विकास गर्न आग्रह गरे।

उनले लोकसभाका अध्यक्षद्वारा गठित विकसित भारत शिक्षा अधिष्ठान विधेयक, २०२५ मा संयुक्त समितिको सदस्यको रूपमा आफूलाई मनोनित गरिएको जानकारी दिए र प्रस्तावित कानूनले संस्थाहरूलाई स्वायत्तता प्रदान गर्ने कुरा उल्लेख गरे। उनले संकाय सदस्यहरूलाई पनि उनीहरूको शिक्षणमा थप सहानुभूतिपूर्ण र समझदार दृष्टिकोण अपनाउन आग्रह गरे।

हिन्दुस्थान समाचार / बिशाल