हुगली, 23 मार्च (हि.स.)। पश्चिम बंगाल विधानसभा आम चुनाउ-2026 लाई मध्यनजर गर्दै हुगली जिल्लामा ईभीएम तथा भीभीप्याटको प्रथम ऱ्याण्डमाइजेशन आइतवार सम्पन्न भयो। सोमवार हुगलीमा एक प्रेस विज्ञप्तिको माध्यमबाट बताइयो, जिल्ला निर्वाचन अधिकारी, हुगलीको अध्यक्षतामा यो प्रक्रिया सर्व शिक्षा मीटिंग हल, नयाँ प्रशासनिक भवन, जिल्ला मेजिस्ट्रेट कार्यालय, हुगलीमा भारत निर्वाचन आयोगको ईभीएम प्रबन्धन प्रणालीको माध्यमबाट पारदर्शी ढंगमा सम्पन्न गरियो।

आइतवार भएको यस ऱ्याण्डमाइजेशनमा हुगली जिल्लाका 18 वटा विधानसभा सीटहरू क्रमैले उत्तरपाड़ा, श्रीरामपुर, चाँपदानी, सिंगुर, चन्दननगर, चुचुड़ा, बालागढ़, पाण्डुआ, सप्तग्राम, चण्डीतला, जांगीपाड़ा, हरिपाल, धनेखाली, तारकेश्वर, पुरसुराह, आरामबाग, गोघाट र खानाकुलको लागी ईभीएम र भीभीप्याट आवन्टन गरियो।

यो प्रक्रिया बसपा, भाजपा, माकपा, कंग्रेस, एनपीपी, फरवर्ड ब्लक तथा तृणमूल कंग्रेसका प्रतिनिधिहरूको उपस्थितिमा सम्पन्न भयो। आवन्टित ईभीएम र भीभीप्याटको सूची सबै मान्यताप्राप्त दलहरूसित साझा गरिएको छ। यसलाई सम्बन्धित विधानसभा स्ट्रंग रूमा सुरक्षित राखिनेछ।

हिन्दुस्थान समाचार / उष्णता छेत्री शर्मा