उखरुल (मणिपुर), 24 मार्च (हि.स.)। मणिपुरको उखरुल जिल्लामा शान्ति बहालीको दिशामा एक अहम कदम उठाउँदै सुरक्षा बलहरूले मंगलवार लितान थाना अन्तर्गत विभिन्न स्थानहरूमा व्यापक खोजी अभियान संचालन गरे। यस अवधि धेरै वटा बंकरहरूलाई ध्वस्त बनाइयो भने गोला-बारूद पनि जफत गरियो।

आधिकारिक सूत्रले आज बताएको छ, यो अभियान लेंगियांगचिंग र मोंगकट चेपु गाउँ समेत केही संवेदनशील क्षेत्रहरूमा एकसाथ संचालन गरियो। यहाँ दुवै समुदायद्वारा बनाएको किल्लाबन्द बंकरहरूलाई चिन्हित गरी व्यवस्थित रूपमा नष्ट गरियो जसलाई हालको संघर्ष अवधि उपयोग गरिएको थियो।

कारबाही अवधि सुरक्षा बलहरूलाई ठूलो संख्यामा प्रयोग गरिएको कारतूस पनि फेला पऱ्यो जसले क्षेत्रमा पहिला भएको संघर्षको तीव्रतालाई दर्शाउँछ। अधिकारीहरूको मान्यता छ, यी बंकरहरूलाई ध्वस्त बनाउन, तनाउ कम गर्न तथा भविष्यमा कुनै पनि सशस्त्र झड़पलाई रोक्ने दिशामा महत्वपूर्ण कदम हो।

अभियानपछि क्षेत्रमा गोलीकाण्डहरूको संख्या पनि घटेको छ जसलाई स्थितिमा सुधार आएको संकेत मान्न सकिन्छ। सुरक्षा बलहरूले संवेदनशील क्षेत्रहरूमा लगातार गस्ती तथा रणनीतिक तैनाथीको माध्यमबाट मजबुत नियन्त्रण स्थापित गरेका छन्।

यो कारबाही मणिपुरका हिंसा प्रभावित क्षेत्रहरूमा सामान्य स्थिति बहाल गर्नको लागि प्रशासन तथा सुरक्षा एजेन्सीहरूद्वारा गरिएका लगातार प्रयासको एक भाग हो। अधिकारीहरूले शान्ति कायम राख्न तथा कुनै पनि प्रकारको हिंसालई रोक्नको लागि सतर्कता बढ़ाउने प्रतिबद्धतालाई दोहोऱ्याएका छन्।

हिन्दुस्थान समाचार / उष्णता छेत्री शर्मा