नयाँ दिल्ली, 04 मार्च (हि.स.)। भारतीय जनता पार्टी (भाजपा) ले बुधवार महाराष्ट्र सहित 10 राज्यको 37 राज्यसभा सीटमा हुने चुनाउका लागि चार उम्मेदवारहरूको दोस्रो सूची जारी गरेको छ। यसमा सामाजिक न्याय एवं अधिकारिता राज्य मन्त्री र आरपीआई (ए) प्रमुख रामदास आठवले र भाजपा महासचिव विनोद तावड़ेको नाम सामेल छ, जसलाई महाराष्ट्रबाट उम्मेद्वार बनाइएको छ।

भाजपाको विज्ञप्ती अनुसार, केन्द्रिय निर्वाचन समितिले महाराष्ट्रबाट राज्यसभाका लागि चार नामहरूलाई स्वीकृति दिएको छ। यी उम्मेदवारहरू रामदास आठवले, विनोद तावड़े, माया चिन्तामण ईवनाते र रामराव वडकुले हुन्। भाजपाले महाराष्ट्रबाट एक अनुसूचित जाति, एक जनजाति, एक मराठा र एक अन्य पछौटे जातिको उम्मेदवारलाई उम्मेदवार बनाएको छ।

भाजपाले फेरि एकपटक आफ्नो कोटाबाट रामदास आठवलेलाई राज्यसभामा पठाउने निर्णय गरेको छ। यो निर्णय हुनअघि आठवलेले मंगलवार मुम्बईमा मुख्यमन्त्री देवेन्द्र फडणवीससँग भेट गरेका थिए। सूत्रहरू अनुसार, महाराष्ट्रमा भर्खरै सम्पन्न नगर निगमको चुनाउमा आरपीआई (ए) ले भाजपालाई समर्थनको बदलामा एउटा विधानपरिषद र दुई राज्यसभा सीटहरू मागेको थियो।

एक दिनअघि मंगलवार बीजेपीले राज्यसभा चुनाउका लागि नौ उम्मेदवारहरूको पहिलो सूची जारी गरेको थियो, जसमा पार्टीका राष्ट्रिय अध्यक्ष नितिन नवीन र शिवेश कुमारलाई बिहारबाट उम्मेदवार बनाइएको छ। अन्य उम्मेदवारहरूमा असमका तेराश गोवाला र जोगेन मोहन, छत्तीसगढ़बाट लक्ष्मी वर्मा, हरियाणाबाट संजय भाटिया, ओडिशाबाट मनमोहन सामल एवं सुजित कुमार र पश्चिम बंगालबाट राहुल सिन्हा छन्।

राज्यसभा निर्वाचनका लागि नामांकनको अन्तिम मिति 05 मार्च हो। 10 मार्चमा मा 10 राज्यका 37 राज्यसभा सिटमा निर्वाचन हुँदैछ। जसमा महाराष्ट्रका सात, तमिलनाडुमा छह, बिहार र पश्चिम बंगालका पाँच-पाँच, ओडिशाका चार, असममा तीन, तेलंगाना, छत्तीसगढ़ र हरियाणाका दुई-दुई र हिमाचल प्रदेशको एक सिट सामेल छ।

हिन्दुस्थान समाचार / भवानी थामी