मङ्गन, 19 अप्रेल (हि.स.)। सामाजिक कल्याण विभागका मन्त्री तथा लाचेन‑मङ्गन निर्वाचन क्षेत्रका विधायक साम्डुप लेप्चाले आज बिहान थेङ वार्डको भ्रमण गरे। उनले यस भ्रमणका क्रममा थेङ चेक पोस्ट अवलोकन गरे र क्षेत्रको समग्र अवस्था सम्बन्धि समीक्षा गरे।
मन्त्रीले सफा वातावरण र वार्डको साफ सफाईमा जोड दिए। उनले फोहोर फ्याक्न उपयुक्त ठाउँ छान्नुपर्ने कुरामा जोड दिए ताकि क्षेत्र सफा र व्यवस्थित रहोस्।
यसैगरी, नियमित रूपमा सफाइ अभियान सञ्चालन गर्न पनि उनले सुझाउ दिए। उनले चेक पोस्टमा पर्यटकहरूलाई अत्यधिक विनम्रता र सम्मानपूर्वक व्यवहार गर्नुपर्ने विषयमा जोड दिए, जसले उनीहरूको अनुभव राम्रो र सकारात्मक बनाउन मद्दत गर्नेछ।
मन्त्रीको यस भ्रमणले सरकारको स्थानीय पूर्वाधार सुधार गर्न र क्षेत्रको सफाई व्यवस्थापनमा कडा प्रतिबद्धतालाई उजागर गरेको प्रेस विज्ञप्तिमा उल्लेख छ।
हिन्दुस्थान समाचार / बिशाल
