हावड़ा, 29 अप्रेल (हि.स.)। पश्चिम बङ्गालको बाली विधानसभा क्षेत्र अन्तर्गत लिलुआमा बुधवार मतदान भइरहेको बेला त्यसबेला स्थिति तनाउपूर्ण भयो जतिबेला डन बस्को लिलुआ सोहनलाल विद्यालयमा अवस्थित एक मतदान केन्द्रमा ईभीएम मशिनमा तकनिकी खराबी देखियो।

ईभीएममा गड़बड़ी भएको कारणले मतदान प्रक्रिया बाधित भयो जसबाट पङ्क्तिबद्ध भएर बसेका मतदाताहरूमा आक्रोश फैलियो। हेर्दा-हेर्दै घटनास्थलमा बबाल मचियो भने भीड़ले विरोध प्रदर्शन गर्न शुरू गऱ्यो।

स्थितिलाई नियन्त्रण गर्नको लागि तैनाथ केन्द्रिय सुरक्षा बलहरूलाई हस्तक्षेप गर्नु पऱ्यो। यस अवधि भीड़लाई छताछुल्ल बनाउनको लागि लट्ठीचार्ज गरियो जसले गर्दा मतदान परिसर एवं यस वरपर केही समयसम्म कोकोहोलो मचियो।

पुलिस सूत्र अनुसार यस घटनामा दुई जना मानिसहरूलाई पक्राउ गरिएको छ प्रशासनले स्थिति नियन्त्रित रहेको बताउँदै मतदान प्रक्रियालाई फेरि सुचारू रूपमा जारी गरिएको जानकारी दिएको छ।

हिन्दुस्थान समाचार / उष्णता छेत्री शर्मा