सिलगढ़ी, 27 जून (हि.स.)। भारतीय जनता पार्टी (भाजपा) विधायक शिखा च्याटर्जीले शनिवार फुलबाड़ी-1 ग्राम पञ्चायतको भोला मोड़देखि राजबंशी मोड़सम्म पक्की सड़क निर्माण कार्यको शिलान्यास गरिन्। यस पहलबाट लामो समयदेखिकै खराब सड़कको कारणले कठिनाईको सामना गरिरहेका स्थानीय मानिसहरूलाई ठूलो राहत पुग्नेछ।
स्थानीय निवासीहरूको भनाइ थियो, सड़कको जर्जर अवस्थाको कारणले दिनहुँ आवागमन गर्नमा विभिन्न असुविधाहरूको सामना गर्न परिरहेको थियो। कैयौं पटक मरम्मत गर्ने माग गरिएको भए पनि काम शुरू भएको थिएन।
भाजपा विधायक शिखा च्याटर्जीले बताइन्, लगबग 9 सय मीटर लामो यस सड़कको निर्माणमा लगभग 17 लाख रुपियाँ खर्च गरिनेछ। सड़कमा ठूल्ठूला खाल्डोहरू परेका कारणले मानिसहरूलाई समस्या भइरहेको थियो जसलाई मध्यनजर गर्दै यो परियोजना शुरू गरिएको हो।
यस अवसरमा स्थानीय जनप्रतिनिधि तथा ग्रामीणहरूको व्यापक उपस्थिति रहेको थियो। सड़कको निर्माण कार्य शुरू हुनाले सम्पूर्ण क्षेत्रमा हर्ष छाएको छ।
हिन्दुस्थान समाचार / उष्णता छेत्री शर्मा
