सुलतानपुर, 15 जुलाई (हि.स.)। केन्द्रिय अनुसन्धान ब्यूरो (सीबीआई) ले उत्तर प्रदेशको सुल्तानपुर जिल्लाको बैंक अफ बड़ौदा कोइरीपुर शाखाका शाखा प्रबन्धक स्वर्णिम श्रीवास्तव र क्रेडिट अफिसर पुष्पक चौधरीलाई घुसखोरीको मुद्दामा पक्राउ गरेको छ। सीबीआईले भनेको छ कि दुई अधिकारीहरूले उजुरीकर्ताबाट उनको ऋणको लागि ओभरड्राफ्ट सुविधा प्रदान गर्न 45 हजार रूपियाँ घुस मागेका थिए।

सीबीआईले 13 जुलाईमा मुद्दा दर्ता गरेको थियो। उजुरीकर्तालाई मुख्यमन्त्री युवा उद्यमी योजना अन्तर्गत पाँच लाख रूपियाँको ऋण स्वीकृत गरिएको थियो। उनको टर्म लोन वितरण गरिएको थियो तर ओभरड्राफ्ट सुविधा विचाराधीन थियो। यो सुविधा प्रदान गर्न दुई अधिकारीहरूले घुस मागेको आरोप छ। 14 जुलाईमा एजेन्सीले जाल बिछ्यायो र उजुरीकर्ताबाट 35 हजार रूपियाँ घुस लिँदै गर्दा क्रेडिट अफिसर पुष्पक चौधरीलाई रंगेहात समात्यो। शाखा प्रबन्धक स्वर्णिम श्रीवास्तवको आदेशमा यो कारबाही गरिएको थियो। दुबैलाई पक्राउ गरिएको छ र लखनऊको सक्षम अदालतमा पेश गरिनेछ।

हिन्दुस्थान समाचार / भवानी थामी