जयपुर, 15 जुलाई (हि.स.)। भगवान जगन्नाथ, बलभद्र औ सुभद्राको भव्य रथयात्रा बिहीवार जयपुरमा श्रद्धा औ उल्लासको साथमा निकालिनेछ। गुप्त वृन्दावन धामद्वारा आयोजित यस रथयात्रामा भगवानले विशेष रिमोट आधारित हाइड्रोलिक रथमा सवार भएर नगर भ्रमण गर्नेछन्। आयोजकहरूको दाबी छ, पुरीमा जस्तै आयोजना हुने यस यात्रामा शहरभरिबाट लाखौं श्रद्धालुहरूले भगवानको दर्शन गरी आशीर्वाद प्राप् गर्नेछन्। सम्पूर्ण मार्गभरि जय जगन्नाथ -को उद्घोषले गुलाबी नगरी भक्तिमय वातावरणमा रमाउनेछ।

गुप्त वृन्दावन धामका अध्यक्ष अमितासना दासले बताए, भगवान जगन्नाथको लागि विशेष रूपमा रिमोट आधारित हाइड्रोलिक रथ तयार गरिएको छ। यसको सबैभन्दा ठूलो विशेषता के छ भने मार्गमा आइलाग्ने बिजुलीका तारहरूबाट सुरक्षित निकासीको लागि रथको उच्चतालाई आवश्यकतानुसार घटाउन-बढ़ाउन सकिन्छ। रथलाई पुरीको परम्परा अनुरूप रातो र पहेंलो रङ्गका वस्त्रहरूले सजाइएको छ।

रथयात्रा जयपुर होटलदेखि आरम्भ भएर शहरका विभिन्न प्रमुख मार्गहरू हुँदै श्री शिव सत्सङ्ग भवन, रामनिवास बागसम्म पुग्नेछ जहाँ महाआरती गरिएपछि यात्रा समापन गरिनेछ। यात्रा अवधि भगवान जगन्नाथ, बलभद्र औ सुभद्राको दर्शन गर्नका लागि प्रचुर मात्रामा श्रद्धालुहरू सामेल हुने सम्भावना छ।

आयोजकहरू अनुसार परम्पराको निर्वहनमा रथयात्रा आयोजना हुन एक दिनपूर्व जयपुरका विभिन्न मन्दिरहरूमा विशेष मन्दिर मार्जन सेवा (मन्दिरहरूको सफाई) पनि गरिनेछ। अमितासना दासले बताए, भगवान श्रीकृष्ण वृन्दावनवासीहरूको निष्काम प्रेमलाई देखेर भवविभोर भएका थिए। सोही दिव्य प्रेमको स्मृतिमा प्रतिवर्ष रथयात्राको आयोजन गरिन्छ। धार्मिक मान्यता अनुसार रथमा विराजमान भगवान जगन्नाथको दर्शन तथा आशीर्वाद प्राप्त गर्नाले मनुष्यले पापहरूबाट मुक्त भएर भगवानको दिव्य प्रेमको अनुभूति गर्दछन्।

हिन्दुस्थान समाचार / उष्णता छेत्री शर्मा