पाकिम, 15 जुलाई (हि.स.)। राज्य कृषि एवं बागवानी तथा मत्स्यपालन विभाग मन्त्री पुरण गुरुङले पाकिमको डुगा ब्लकको कमेरे गाउॅंमा आज फिश कियोस्कको उद्घाटन गरेका छन्। राज्य मत्स्यपालन विभागद्वारा समर्थित उक्त माछा किश कियोस्क प्रधानमन्त्री मत्स्य सम्पदा योजना (पीएमएमएसवाई) अन्तर्गत स्थापना गरिएको हो।
मन्त्री गुरुङले आफ्नो सम्बोधनमा सोरेङ जिल्लालाई देशकै पहिलो जैविक मत्स्यपालन समूहको रूपमा मान्यता दिइएकोमा बताउॅंदै यसलाई दिगो मत्स्यपालन विकासप्रति राज्य सरकारको प्रतिबद्धताको प्रतिबिम्बको रूपमा वर्णन गरे। उनले किसान र ग्रामीण समुदायको सामाजिक-आर्थिक कल्याण सुधार गर्न सरकारले प्रधानमन्त्री किसान सम्मान निधि, सिक्किम गरीब आवास योजना, आमा सशक्तिकरण योजना, आमा सहयोग योजना र राष्ट्रिय गोकुल मिसन लगायत विभिन्न कल्याणकारी योजनाहरू कार्यान्वयन गरिरहेको बताए।
शिक्षा र जीविकोपार्जनको महत्त्वलाई जोड दिँदै उनले भने, 'सरकारले दिगो आयका अवसरहरू सिर्जना गर्न पहाडी क्षेत्रहरूमा ट्राउट खेतीलाई प्रवर्द्धन गरिरहेको छ।' उनले अभिभावकहरूलाई आफ्ना छोरा-छोरीहरूलाई जिम्मेवार नागरिक बन्न मार्गदर्शन गर्न र उनीहरूलाई प्रतिस्पर्धात्मक परीक्षाको तयारी गर्न प्रोत्साहित गर्न आग्रह गरे। मन्त्रीले जनतालाई सरकारका कल्याणकारी योजनाहरूको पूर्ण उपयोग गर्न अपील गरे।
हिन्दुस्थान समाचार / बिशाल
