नयाँ दिल्ली, १६ जुलाई (हि.स.)। आयकर विभागले अचल सम्पत्ति, प्रतिभूति तथा गहनाको बिक्रीबाट हुने दीर्घकालीन पूँजीगत लाभ (लङ टर्म क्यापिटल गेन) गणनाका लागि आर्थिक वर्ष २०२६-२७ को लागत मुद्रास्फीति सूचकांक बढाएको छ।
केन्द्रिय प्रत्यक्ष कर बोर्ड (सीबीडीटी) ले जारी गरेको अधिसूचनाअनुसार, आर्थिक वर्ष २०२६-२७ का लागि लागत मुद्रास्फीति सूचकांक ३८४ निर्धारण गरिएको छ। अघिल्लो आर्थिक वर्ष २०२५-२६ मा यो सूचकांक ३७६ रहेको थियो।
विभागका अनुसार, आयकर ऐन, १९६१ अन्तर्गत प्रत्येक आर्थिक वर्षका लागि लागत मुद्रास्फीति सूचकांकको अधिसूचना जारी गरिन्छ। यसको प्रयोग कुनै पूँजीगत सम्पत्ति बिक्री गर्दा पूँजीगत लाभको गणना गर्ने क्रममा ‘सूचकांकित अधिग्रहण लागत’ निर्धारण गर्न गरिन्छ।
सामान्यतया कुनै सम्पत्तिलाई ‘दीर्घकालीन पूँजीगत सम्पत्ति’ को श्रेणीमा पर्न कम्तीमा ३६ महिनाभन्दा बढी समयसम्म धारण गरिएको हुनुपर्छ। तर अचल सम्पत्ति तथा गैर-सूचीकृत शेयरका लागि यो अवधि २४ महिना र सूचीकृत प्रतिभूतिका लागि १२ महिना निर्धारण गरिएको छ।
हिन्दुस्थान समाचार / बिशाल
