सिक्किम आक्रमण एफसीले नर्दनर्स् एफसीलाई पराजित गऱ्यो
गान्तोक, 18 जुलाई (हि.स.)। राजधानीको पाल्जोर स्टेडियममा जारी एसएफए ए डिभिजन एस-लिगको राेचक खेल आज सिक्किम आक्रमण फुटबल क्लब र नर्दनर्स् फुटबल क्लबबीच सम्पन्न भयो। यस खेलमा सिक्किम आक्रमणले प्रतिद्वन्दी दललाई 3-1 गोलले पराजित गऱ्यो।
विजयी दल सिक्किम आक्रमणको तर्फबाट अमन रसाइली, सागर गुरुङ र समीर प्रधानले एक-एक गोल गरे। यसरी नै प्रतिद्वन्दी दल नर्दनर्स् एफसीको तर्फबाट एकमात्र गोल प्रणय राईले गरे।
उल्लेखनीय छ, एसएफए ए डिभिजन एस-लिगको आयोजना सिक्किम फुटबल एसोसिएशनले अखिल भारतीय फुटबल महासंघको तत्वावधानमा गरिरहेको छ।
हिन्दुस्थान समाचार / बिशाल
सम्बन्धित समाचार
