गान्तोक, 26 जुलाई (हि.स.)। राज्यपाल ओमप्रकाश माथुरले राष्ट्रिय राजमार्ग १० को २० माइलमा पैह्रो प्रभावित क्षेत्रको स्थलगत निरीक्षण गरेका छन्। उनले आज बारदाङस्थित ‘प्रेरणा स्थल’ बाट गान्तोक फर्किने क्रममा निरीक्षण गरेका हुन्।

लोक भवनका अनुसार, निरन्तरको मनसुनी वर्षाका कारण पहाडबाट ठूलो परिमाणमा ढुङ्गा र माटो खसेपछि उक्त मुख्य सडक पूर्ण रूपमा अवरुद्ध भएको छ, जसका कारण सवारीसाधनको आवागमन पूर्णतः प्रभावित भएको छ।

वास्तविक अवस्थाको जानकारी लिन राज्यपाललाई घटनास्थलमा राष्ट्रिय राजमार्ग तथा पूर्वाधार विकास निगम लिमिटेडका अधिकारीहरूसँग पैह्रोका कारण उत्पन्न चुनौतीहरू तथा वर्तमान अवस्थाबारे उनलाई विस्तृत जानकारी गराए।

अधिकारीहरूले पैह्रो हटाई सडक पुनः सञ्चालनमा ल्याउन व्यापक पुनर्स्थापना कार्य तीव्र रूपमा अघि बढिरहेको जानकारी गराए। यस क्रममा राज्यपालले यात्रुहरूको सुरक्षालाई सर्वोच्च प्राथमिकता दिँदै सिक्किमको जीवनरेखाका रूपमा रहेको यस राष्ट्रिय राजमार्गलाई सुरक्षित र शीघ्र पुनः सञ्चालनमा ल्याउन आवश्यक सबै प्रयास गर्न सम्बन्धित अधिकारीहरूलाई निर्देशन दिए।

---------------

हिन्दुस्थान समाचार / बिशाल