धर्मशाला, १६ सेप्टेम्बर (हि.स.)। काँगड़ा पुलिसले बीरता क्षेत्रमा रहेको एक कबाड़ी पसलमा छापा मारेर १९६.०२ ग्राम चरेस जफत गरेको छ। घटनामा पुलिसले पसल सञ्चालन गर्दै आएका दुई जनालाई पक्राउ गरी थप कारबाही अघि बढ़ाएको छ।

पक्रा पर्नेमा काँगड़ा जिल्लाको नतेहड गाउँका ५५ वर्षीय विकास शर्मा उर्फ किङ र काँगडा तहसील अन्तर्गत वडा नम्बर ९ का ६८ वर्षीय प्रेम कुमार रहेका छन्।

दुवै विरुद्ध लागुऔषध तथा एनडीपीएस एक्ट अन्तर्गत काँगड़ा पुलिस थानामा मुद्दा दर्ता गरी अनुसन्धान शुरु गरिएको पुलिसले बताएको छ।

जफत लागुऔषध नियन्त्रणमा लिएपछि पुलिसले त्यसको खरिद–बिक्री तथा यससँग जोड़िएका अन्य व्यक्तिबारे दुवै आरोपीसँग सोधपुछ गरिरहेको छ।

हिन्दुस्थान समाचार / भवानी थामी