गुवाहाटी, 17 सेप्टेम्बर (हि.स.)। असमका मुख्यमन्त्री डा. हिमन्त बिस्व सरमाले बिहीवार भने, राज्यका युवाहरूले आफ्नो आँखामा सपना मात्र देख्दैनन् एउटा नयाँ असमको सम्भावना पनि देख्छन्।उनले भने, युवाहरूलाई आफ्नो खुट्टामा उभिन, आफ्नो उद्यम स्थापित गर्न तथा अन्य मानिसहरूलाई पनि रोजगार दिने साहसको लागि लगातार प्रोत्साहित गर्नुपर्छ।
खानापाड़ामा आयोजित कार्यक्रमलाई सम्बोधन गर्दै मुख्यमन्त्रीले भने, यसै उद्देश्यले मुख्यमन्त्री आत्मनिर्भर असम अभियान एक विशेष पहलको रूपमा शुरू गरिएको छ। उनले भने, अभियानको प्रथम र द्वितीय चरण अन्तर्गत 82,219 युवा उद्यमीहरूलाई 278 करोड़ रुपियाँभन्दा अधिकको वित्तीय सहायता प्रदान गरिएको छ।
डा. सरमाले भने, उनलाई यस विशेषको अवसरको अङ्ग बन्न पाउँदा प्रसन्नता भइरहेको छ। उनले विश्वास व्यक्त गरे, राज्यको युवा शक्ति नै आत्मनिर्भर असम निर्माणको सबैभन्दा ठूलो शक्ति हो। मुख्यमन्त्रीले युवा उद्यमीहरूलाई अगाड़ि बढ़्ने आह्वान गर्दै भने, असम सरकार उनको साथमा उभिएको छ र उनीहरूलाई निरन्तर सहयोग प्रदान गरिरहनेछ।
हिन्दुस्थान समाचार / उष्णता छेत्री शर्मा
