काठमाडौं, १७ सेप्टेम्बर (हि.स.)। नेपालका वित्तमन्त्री डा. स्वर्णिम वाग्ले तीनदिने भारत भ्रमणका क्रममा बिहीबार बिहान नयाँ दिल्ली पुगेका छन्। भारत सरकारको निमन्त्रणामा वाग्ले बिहान ७ः३५ बजीको उडानबाट काठमाडौं हुँदै दिल्ली पुगेका हुन्।

वाग्लेको भारत भ्रमणको मुख्य उद्देश्य विपद्पछिको पुनर्निर्माणलगायत नेपाल-भारतबीच आर्थिक, राजनीतिक तथा कूटनीतिक सहकार्यका विभिन्न पक्षमा छलफल गर्नु रहेको छ। उनको सचिवालयका अनुसार, भ्रमणका क्रममा द्विपक्षीय सहकार्यसँग सम्बन्धित विभिन्न विषयमा वार्ता हुनेछ।

वाग्लेले बिहीबार साँझ ५ बजी भारतीय वित्तमन्त्री निर्मला सीतारमणसँग भेटवार्ता गर्ने कार्यक्रम रहेको छ। शुक्रबार बिहान भारतका पूर्व विदेश सचिव श्याम शरणले आयोजना गर्ने उच्चस्तरीय कूटनीतिक संवाद कार्यक्रममा उनी प्रमुख अतिथिका रूपमा सहभागी हुनेछन्। शुक्रबार साँझ ५ बजी भारतीय विदेशमन्त्री डा. एस. जयशंकरसँग पनि उनको भेटवार्ता तय भएको छ।

शुक्रबार साँझ ७ः३० बजी वाग्ले भारत व्यापार प्रवर्द्धन संगठनका अध्यक्ष जावेद अशरफले आयोजना गर्ने विस्तृत बैठकमा सहभागी हुनेछन्। शनिबार बिहान ९ः३० बजी भारतीय उद्योग परिसंघले आयोजना गर्ने प्रतिष्ठित औद्योगिक घरानाका प्रतिनिधिहरूको सम्मेलनमा उनी प्रमुख वक्ताका रूपमा सहभागी हुनेछन्।

त्यसैगरी, शनिबार बिहान ११ः३० बजी दिल्ली स्कूल अफ इकोनोमिक्सले आयोजना गर्ने विकास अर्थनीतिसम्बन्धी शैक्षिक छलफलमा वाग्ले प्रमुख अतिथिका रूपमा सहभागी हुनेछन्। उनी शनिबार साँझ ४ बजी नेपाल फर्किने कार्यक्रम रहेको छ।

वित्तमन्त्री वाग्लेको प्रतिनिधिमण्डलमा वित्त मन्त्रालयका सहसचिव अमृत लाम्साल, विदेश मन्त्रालयका सहसचिव गेहेन्द्रराज भण्डारी, नयाँ दिल्लीस्थित नेपाली दूतावासका उपनियोग प्रमुख डा. सुरेन्द्र थापा, आर्थिक मामिला हेर्ने मन्त्री तारानाथ अधिकारी तथा वित्तमन्त्रीका निजी सचिव कञ्चन बस्नेतलगायत अन्य अधिकारी सहभागी छन्।

हिन्दुस्थान समाचार / बिशाल