पटना, १८ सेप्टेम्बर (हि.स.)। केन्द्रिय वायु कमानका एयर अफिसर कमान्डिङ-इन-चीफ एयर मार्शल तरुण चौधरीले शुक्रवार राजभवनमा बिहारका राज्यपाल लेफ्टिनेन्ट जनरल (सेवानिवृत्त) सैयद अता हसनैनसँग शिष्टाचार भेटवार्ता गरेका छन्। भेटका क्रममा नागरिक-सैनिक सहकार्य सुदृढ़ गर्ने, भारतीय वायुसेना र बिहार सरकारबीचको समन्वयलाई थप प्रभावकारी बनाउने तथा भविष्यमा बिहटा विमानस्थलको संयुक्त उपयोग लगायत विभिन्न महत्वपूर्ण विषयमा छलफल भएको छ।

एयर मार्शल चौधरीले राज्य प्रशासनसँग पारस्परिक महत्त्वका विभिन्न विषयमा भइरहेको प्रगतिको जानकारी राज्यपाललाई गराए। बैठकमा विपद्का बेला तत्काल उद्धार तथा राहत कार्यका लागि तयारीलाई थप सुदृढ़ गर्ने, क्षेत्रीय सुरक्षा तथा जनकल्याणसँग सम्बन्धित साझा उद्देश्यलाई अघि बढ़ाउने विषयमा पनि विचार-विमर्श भयो।

बिहटा विमानस्थलको भविष्यमा संयुक्त उपयोगका विषयमा समेत दुवै पक्षबीच छलफल भयो। साथै, विपद् प्रतिकार्य संयन्त्रलाई थप प्रभावकारी बनाउने तथा आवश्यक परेको समयमा सैन्य र नागरिक संस्थाबीच राम्रो समन्वय सुनिश्चित गर्ने विषयमा पनि विचार आदान-प्रदान भयो।

एयर मार्शल तरुण चौधरीले राज्यपाललाई वायुसेना केन्द्र, बिहटाको भ्रमणका लागि निमन्त्रणा दिएका छन्। भेटको अन्त्यमा दुवै पक्षले भारतीय वायुसेना र बिहार सरकारबीच कायम रहेको समन्वयलाई निरन्तरता दिँदै संस्थागत सहकार्यलाई थप सुदृढ़ गर्ने प्रतिबद्धता दोहोर्याए।

हिन्दुस्थान समाचार / भवानी थामी