कोलकाता, 19 सेप्टेम्बर (हि.स.)। पश्चिम बङ्गालका ग्रामीण विकास मन्त्री दिलीप घोषले कोलकाताको ललित कला अकादमी क्षेत्रीय केन्द्रमा आयोजित कला प्रदर्शनीको सराहना गर्दै यसलाई कला एवं संस्कृतिको सुन्दर सङ्गम बताएका छन्। शनिवार बिहान सामाजिक माध्यममा एउटा पोस्टको माध्यमबाट उनले गए शुक्रवार साँझ प्रदर्शनीको उद्घाटन समारोहमा आफू पनि सामेल रहेको जानकारी साझा गरे।
प्रधानमन्त्री नरेन्द्र मोदीको जन्मदिनको अवसरमा ‘प्राधान्य- भिजुअल क्रिएशनको एक अनौठो प्रदर्शनी’ मध्यग्राम भारती शिल्पकला फाउण्डेशन तथा बङ्गाल आर्टिस्ट्स वारियरको संयुक्त तत्वावधानमा आयोजना गरिएको छ।
दिलीप घोषले आफ्नो पोस्टमा प्रदर्शनीमा सामेल कलाकृतिहरूको प्रशंसा गर्दै कलाकारहरूको रचनात्मकता र उनीहरूको दूरदर्शी सोंचलई विशेष रूपमा उल्लेखनीय बताए। उनले प्रधानमन्त्री नरेन्द्र मोदी अनि उनकी आमात्रहरूको पनि उल्लेख गरे।
मन्त्री घोषले बताए, एकजना प्रतिभाशाली कलाकारले उनकी आमासित रहेको उनको एउटा विशेष तस्वीरमाथि आधारित चित्र उनलाई उपहारमा दिएका छन्। उनले यसलाई आफ्नो लागि भावनात्मक र अमूल्य प्राप्ति बताए।
आगामी 24 सेप्टेम्बरसम्म आयोजना हुने यस प्रदर्शनीलाई हेर्न र स्थानीय कलाकारहरूलाई प्रोत्साहन गर्नको लागि यसमा सामेल हुने आह्वान समेत मन्त्रीले मानिसहरूसित गरेका छन्।
हिन्दुस्थान समाचार / उष्णता छेत्री शर्मा