नयाँ दिल्ली, २८ सेप्टेम्बर (हि.स.)। दिल्लीमा वायु प्रदूषण नियन्त्रणका विषयमा सोमवार पर्यावरण भवनमा केन्द्रिय पर्यावरण, वन तथा जलवायु परिवर्तन मन्त्री भूपेन्द्र यादवको अध्यक्षतामा बैठक सम्पन्न भयो। बैठकमा दिल्लीकी मुख्यमन्त्री रेखा गुप्ता र दिल्लीका पर्यावरण मन्त्री मनजिन्दर सिंह सिरसा सहभागी भए।

मुख्यमन्त्री रेखा गुप्ताले सामाजिक सञ्जाल ‘एक्स’ मा पोस्ट गर्दै दिल्लीवासीलाई स्वच्छ हावा र स्वस्थ वातावरण उपलब्ध गराउनु आफ्नो सरकारको सर्वोच्च प्राथमिकता रहेको बताइन्। उनले प्रदूषण नियन्त्रण कुनै एक मौसममा मात्र सीमित विषय नभएको बताउँदै सरकार वर्षभरि प्रदूषणका प्रमुख स्रोत विरुद्ध प्रभावकारी कारबाही, विभागीय समन्वय तथा स्थलगत कड़ा निगरानी सहित निरन्तर काम गरिरहेको जानकारी दिइन्।

मुख्यमन्त्रीले बैठकमा केन्द्रिय मन्त्रीले दिएका महत्वपूर्ण सुझावलाई प्रभावकारी रूपमा कार्यान्वयन गरिने बताइन्। वायु प्रदूषण विरुद्धको प्रयासमा केन्द्र सरकारको निरन्तर सहयोगले दिल्लीलाई थप मजबुू बनाइरहेको उनले उल्लेख गरिन्।

/ बिशाल